ਨਾਮ ਤੇ ਹਾਲਾਤ ( ਉਹਦੀ ਚੁੱਪ ਬੋਲਦੀ ਸੀ ) ਚੈਪਟਰ -2

ਮੈਂ ਟੈਕਸੀ ਬੁੱਕ ਕਰਦਿਆਂ ਪੁੱਛਿਆ - ਹੋਇਆ ਕੀ ਆ ? ਤੂੰ 911 ਫੋਨ ਕਰ ਲੈਣਾ ਸੀ ? ਤੂੰ ਐਨੀ ਸਾਜਰੇ ਏਸ ਹਾਲਤ ਵਿੱਚ ਕਿਵੇਂ ? ਕੁੱਝ ਤਾਂ ਦੱਸ ? ਮੇਰੇ ਸਵਾਲ ਐਨੇ ਜ਼ਿਆਦਾ ਸੀ ਜਾਂ ਸ਼ਾਂਇਦ ਅਜੇ ਉਹ ਜਵਾਬ ਦੇਣ ਦੀ ਹਾਲਤ ਵਿੱਚ ਨਹੀਂ ਸੀ , ਉਸਨੇਂ ਸਿਰਫ ਇੰਨਾਂ ਕਿਹਾ — ਫੋਨ ਅੱਜ ਹੈ ਨੀ ਮੇਰੇ ਕੋਲ , ਤੇ ਅੱਜ ਕੁੱਝ ਵੀ ਹੈ ਨੀ ਮੇਰੇ ਕੋਲ , ਇਹ ਸਭ ਲਾਲਚ ਦਾ ਨਤੀਜਾ ਏ ॥ ਇੰਨਾਂ ਬੋਲਦੀ ਉਹ ਟਾਕੀ ਦਾ ਸਹਾਰਾ ਲੈ ਕੇ ਜਿਵੇਂ ਸੌਂ ਗਈ ਸੀ ਬਿਲਕੁਲ ਜਿਵੇਂ ਕੋਈ ਸਾਰੇ ਦਿਨ ਦਾ ਥੱਕਿਆ ਜਵਾਕ ਗੱਲਾਂ ਕਰਦਾ ਸੌਂ ਜਾਂਦੈ । ਪੁਲਿਸ ਸਟੇਸ਼ਨ ਦਾ ਰਸਤਾ ਤਕਰੀਬਨ 40 ਕੁ ਮਿੰਟ ਦਾ ਸੀ ।

ਕਾਰ ਵਿੱਚੋਂ ਉੱਤਰ ਦਿਆਂ ਹੀ ਮੇਰਾ ਪਹਿਲਾ ਸਵਾਲ ਸੀ - ਅਨੰਤ ਹੋਇਆ ਕੀ ਐ ਕੁੱਝ ਦੱਸੇਂਗੀ ? ਉਸ ਆਖਿਆ - ਹੈਰੀ ਮੇਰੇ ਅੱਜ ਦੇ ਹਾਲਾਤ ਵੀ ਮੇਰੀ ਇੱਕ ਅਜਿਹੀ ਮਰਜ਼ੀ ਦਾ ਨਤੀਜਾ ਹਨ ਜਿਸ ਨਾਲ ਮੈਂ ਕਦੇ ਸਹਿਮਤ ਨਹੀਂ ਸੀ ਪਰ ਖੁੱਲ ਕੇ ਮਨਾਂ ਵੀ ਨਹੀਂ ਸਾਂ ਕਰ ਸਕੀ ।ਚੰਗੀ ਪੜਾਈ ਕਰਨ ਤੋਂ ਬਾਅਦ ਮੇਰੀ ਜਿਵੇਂ ਰੋਜ ਬੋਲੀ ਲੱਗਦੀ ਸੀ ਅਤੇ ਜਿਸ ਦਿਨ ਵਾਜਿਬ ਮੁੱਲ ਮਿਲਿਆ ਤਾਂ ਰਿਸ਼ਤਾ ਪੱਕਾ ਹੋ ਗਿਆ ।

ਫਿਰ ਮੈਨੂੰ ਪੁੱਛਿਆ ਗਿਆ —- ਅਨੰਤ ਸਾਨੂੰ ਮੁੰਡਾ ਪਸੰਦ ਐ, ਘਰ ਬਾਰ ਚੰਗੈ , ਪੈਸੇ ਵੀ ਸਾਰੇ ਲਾਉਣੇ ਆ ਉਹਨਾਂ ਨੇ —- ਤੇ ਬਾਕੀ ਤੂੰ ਦੱਸ ਧੀਏ ॥ ਹੁਣ ਤੂੰ ਦੱਸ ਹੈਰੀ “ਕਿ ਧੀ ਨੂੰ ਨਾਂਹ ਕਰਨ ਦੀ ਕੋਈ ਗੁੰਜਾਇਸ਼ ਦਿੱਤੀ ਗਈ ਸੀ ?” ਕੀ ਇਹੀ ਹੁੰਦੀ ਐ ਮਰਜ਼ੀ ਕਰਨੀ ?? ਸਿਰਫ ਇੰਨਾਂ ਹੀ ਨਹੀਂ — ਖਿਡੌਣੇ, ਪਹਿਰਾਵਾ, ਹੱਸਣ-ਖੇਡਣ ਤੱਕ ਵੀ ਇਹੋ ਜਿਹੀਆਂ ਬਹੁਤ ਮਰਜ਼ੀਆਂ ਕਿੰਨੀਆਂ ਹੀ ਕੁੜੀਆਂ ਦੇ ਚਾਅ , ਰੀਝਾਂ ਤੇ ਸੁਪਨਿਆਂ ਦੀ ਅਰਥੀ ਡੋਲੀ ਨਾਲੋਂ ਪਹਿਲਾਂ ਤੋਰ ਦਿੰਦੀਆਂ ਹਨ । ਉਸਦੇ ਅੰਦਰੋਂ ਜਿਵੇਂ ਕੋਈ ਡੂੰਘਾ ਰੋਸਾ ਅੱਜ ਲਾਵਾ ਬਣਕੇ ਨਿੱਕਲ ਰਿਹਾ ਸੀ ਤੇ ਮੈਂ ਸੋਚ ਰਿਹਾ ਸੀ —— ਕੀ ਵਾਕਿਆ ਹੀ ਅਜੇ ਵੀ ਇਹ ਜ਼ੰਜੀਰ ਕੁੜੀਆਂ ਦੇ ਪੈਰੀਂ ਝਾਂਜਰ ਦੱਸ ਕੇ ਪਾਈ ਜਾ ਰਹੀ ਐ ??? ਅਖੀਰ ਇੱਕ ਪੁਲਿਸ ਅਫ਼ਸਰ ਸਾਡੇ ਕੋਲ ਆਇਆ ਅਤੇ ਸਾਡੇ ਆਉਣ ਦਾ ਕਾਰਨ ਪੁੱਛਣ ਲੱਗਿਆ ………..॥

………….. Continue ….. ਬਾਕੀ ਅਗਲੇ ਹਫਤੇ ॥

……,.. continue

✍🏽 ਹੈਰੀ ਧਾਲੀਵਾਲ ✍🏽
✍🏽 04 ਮਈ 2023✍🏽